Investasi,.

(ni Gan,. dinar nyang ane molai kumpulin,. doain yaa,. biar istiqomah nglakuin niatan ane,.) 

Duh,. ane demmeeennn banget kalo dah ngomongin nyang ada bunyi2annya mirip celengan. Hmmm,. sebelumnya ane mo minta maap neh, Gan. Bukan sombong ato gimana,. soalnya ane dah dididik buat idup hemat molai ane SD (hemat, beib..hemaat!! Beehh,.berasa iklan neh,.). Maklum,. ane bukan anak orang berduit, Gan (ane kagak mo bilang beruang ah. ntar ente mikir nyang ada di Ragunan sono, lagi,.). Mangkanya, kalo ane punya kepengenan tuh,. dah pasti ane disuruh ngumpulin duit jajan ndiri. Tapi ane yakin,. pasti laen tuh sensasinya kalo mbeli pakek duit ndiri (jangan pada protes yak,. walopun emang duit dari orang tua ane, pan dah dikasihin buat ane jajan, weeee..), apalagi ngumpulinnya pake nahan2 buat kagak jajan sminggu. Set dah,. begitu kebeli,. dah kayak punya barang paling mahal sedunia aja. pokoknya ntuh barang kagak bole lama2 jauh dari ane. Mo minjem juga pasti ane awasin. Ane bisa mati2 an ngejaga tu barang jangan ampe lecet, apalagi rusak. (Ketimbang nyang tinggal tunjuk doang,. langsung dibayarin ma orangrtuanya. Pasti kalah deh sensasinya,. yakinlah sumpah,..) hehehe,. yaa walopun barangnya seh cuman robot2an transformer, gamewatch tetris nyang ada suaranya, ato kadang cuman pedang2an nyang pake selongsongan (ane inget banget mbeli barang ni pas lagi jaman2nya pilem pendekar harum, pendekar ulat sutera, ma 5 jagoan jelita nyang disiarin di RCT* kalo kagak salah. "Siapa yaaang, membuatku piluu,. siapa yaang membuat kita satuu." Weistt,. kalo Yuni Shara dah nyanyi ni lagu,. ane langsung mantep2 di depan tipi. Mo ada pe-er juga, langsung ane geletakin. Ane tinggalin gitu aja. ). 

Jangan kaget kalo ane tadi molai dari SD.. soalnya ane seumur2 belum pernah ngrasain sekolahan nyang namanya taman kanak2, Gan. (Nol besar, nol kecil,. emang ada bedanya,.Gan? Masih nol2 juga kan,.? hehee,. maap Gan, ane ngibur diri. Nggak papa kan ya, ??). En ane paling demen tu pas acara raport-an di sekolahan. Hehehe,. Bukan, Gan. Bukan ane demen karena mo nunjukin nilai raport ma ortu. Tapi ane demen soalnya duit hasil ane nabung setahun bakal dibagiin ma guru wali kelas ane. (Kalo nggak salah inget, waktu ntuh ane rutin nabung 250 perak tiap hari senin. Jadi kalo diitung2 ya sekitar tiga belas rebuan lah setahunnya.)

Udah ah,. jadi berasa kecil lagi kalo inget2 masa SD dulu. Mending kita masuk lagi ke lorong waktu en balik ke jaman sekarang. (Cepetan gan,.. keburu nutup lubangnya,.!!!)

Hehe,. kalo nabung jaman sekarang seh ane lebih demen nyebutnya investasi. Soalnya kalo ane pake konsep tabungan,. harusnya duit ane yang disimpen di bank ntuh yang ane maksud. Padahal kan ntu duit cuman numpang lewat doang. Abis gajian, eh,. langsung ane tarik buat mbeli ini itu. Maklum,. ane masih single. Suka nggak kontrol diri kalo dah pengen sesuatu. Berasa duit masih banyak banget nolnya, padahal juga kagak. Hehe,. darah muda banget ya,.?

Nah, buat tabungan nyang kita omongin sebagai investasi tadi, sebenere ane dah kepikiran dari dulu (Kalo dipikir doang mah kapan mo punya.? Hehe,. iya,. iya,. ane ngaku salah, Gan.). Ane sempet bingung mo investasi paan. Mo invest tanah,. duitnya cuman cukup buat mbeli tanah se-truk. (Hehehe,. becanda gan). Ane urung deh,. takut nggak nyampek duitnya. Mo invest rumah,. apalagi,. Boro2,. orang tanah aja takut nggak kebeli, apalagi rumah. (Emang mbeli rumah kagak pake tanah juga? Emang tu rumah mo ditancepin di mana.? Ahh,.. sekate-kate lu, Gan.) Mo nggak mau ane batalin juga ni rencana. Mo investasi saham,. udah punya. Sebenere seh dipaksa punya. Soalnya ni yang punya hajat perusahaan ane ma rekanannya nyang namanya Allian*. Walhasil gaji ane kena sunat deh tiap bulannya. (nelangsa banget ya gan,. udah gaji kecil, masih kena sunat juga,.. ). Tapi gak papa lah,. orang duitnya juga nggak kemana2. Ntar tiap 5 taon juga bisa ane ambil. Cuman ane rada ngeri, penempatan saham nyang dipilihin perusahaan ntu bukan nyang berbasis Syariah. Ane takut banget makan duit haram, Gan. dosanya kagak ketulungan, Jadi yaa,. biar tenangan dikit, ane relokasi deh tu, investasi ane ke badan usaha nyang berbasis Syariah. Alkhamdulillah, berhasil. (kagak pake diulang 3 kali ye gan,. Ane bukan Dora.).

Ane mo nyari investasi nyang kecil2an tapi bisa rutin, kira2 apaan ya, Gan.?? Ane udah coba cari2 di atas meja, kagak ketemu,. Ane pindah ke atas lemari, kagak muncul, Gan. Kalo di atas genteng mah, ane udah pasti'in kagak bakalan ada deh. Sebenere, ane juga udah coba cari di bawah kolong meja,. tapi masih kagak nampak. Ane cari di bawah kolong tempat tidur,. ehh,. ane malah nemuin cucian kotor. Gimana neh gan.?? Ane sempet seh, mikir buat nyari di bawah kolong jembatan,. tapi buruan ane urungin tuh niatan ane. Ntar malah ketemu pemulung, bisa ribet urusannya. hehehe,.

Aha,.( sori gan,. Ini murni ekspresi ane, kagak pake promosi modem. Yakinlah sumpah,..). Ane kepikiran buat investasi emas. Yap,. bener. Bener banget. Seingat ane,. nilai intrinsik barang nyang kagak banyak berubah ditelen jaman tu ya emas (Kasihan gan temen ane nyang namanya "jaman". Udah kagak punya gigi lagi, dia. Jadi kalo mo makan apaan aja kagak pake dikunyah,. langsung ditelen sama dia). Dulu, jaman Khalifah Ummar bin Khattab ra, kalo mo mbeli kambing, cukup keluarin sekeping duit dinar (koin emas nyang beratnya 4,25 gr ntu lho gan. Nyang ini asli ane kagak pake becanda. Emang seh tadi ane banyak banget becandanya, tapi nyang ini beneran. Yakin deh, ane serius. Tuh kan, ente malah senyam senyum ndiri. Kagak percaya ma ane, Gan.?). Kita bandingin aja ma harga emas sekarang nyang per gram-nya sekitar 400 rebu lebih. (Tuh,. kan. Harga kambing yang agak gemukan sekarang brapa.? Segituan juga kan?. Beneran kan ane bilang tadi,? Ente sih nggak percaya,.).

Tapi walau rencana ane kedengarannya briliian banget, sampai cerita ini ane tulis, ane baru punya sekeping doang gan. Hehee,. jadi malu. Ntar wes, ane mo nambah2 lagi. Doain ya,. biar investasi ane lancar,.!! Moga ini bisa juga jadi inspirasi agan buat berinvestasi. Met nabung ya Gan,..!!. Eitss,..jangan lupa zakatnya juga ya gan,. ;-)